Mijjen bïjre

Dej minngemes jaepiej dle Gaske-Nøørjesne jïjnjh stuerebe vaarjelimmiedajvh tseegkesovveme, dovne åålemegemiehtjieh, eatnemevaarjelimmiedajvh jïh eatnemereservath. Blilyst edtja aktene laavenjostosne byøgkelesvoeten jïh jielemen gaskem, vuartasjidh mejtie gåarede jielemeevtiedimmiem buektiehtidh gosse daejtie vaarjelimmidedajvie tseegkeme.

Prosjekte ”næring i verneområder”/”jieleme vaarjelimmiedajvine” lea akte bielie dehtie evtiedimmieprogrammeste Blilyst, jïh lea akte byøgkeles prosjekte maam tjïelth, fylhkentjïelth jïh fylhkenålmah juhtieminie.

Dïhte åssjele lea aarvoem lissiehtidh  dejstie vaarjelimmiedajvijste. Prosjekte edtja sjïehteladtedh guktie dagkerh dajvh vihkeles vierhtine sjïdtieh sosijale, kultuvrelle, byjreseligke jïh ekonomeles evtiedimmien gaavhtan, jïh våaromem vadta fasseldæmman jïh aarvoesjugniedæmman eatnemeaerpien våaroemisnie, seamma aejkien goh dajvide reerie naemhtie guktie eatneme gellielaaketje gorresåvva. Daate maahta råajvarimmieh årrodh ihke sjïehteladtedh voenges evtiedæmman jïh mobiliseringe. Prosjekte edtja åajvahkommes viehkiehtidh voenges evtiedimmine, viesehtimmine jïh aarvoesjugniedimmine.

Prosjekte edtja viehkiehtidh sjiehteladtemem jïh laavenjostoeprosjekth evtiedidh  mejstie jielemebarkijh maehtieh nåhtojne utnedh, joekoen fealadassen jïh laanteburrien sisnjeli. Prosjekte edtja aaj juhtije evtiedimmieprosjekth iktedidh, jïh leavloem beaja viermiebarkose jïh maahtoebigkemasse, jïh aaj aktegs-sielth raeriestidh mah leah meatan bielieprosjektine.

Blilyst, Fylhkenålmah Noerhte- jïh Åarjel-Trøøndelagesne, Noerhte-Trøøndelagen Fylhkentjïelte jïh dah tjïelth Meråker, Skierde, Selbu jïh Tydal dam prosjektem Skarvan jïh Roltdalen åålmegemiehtjie dåårjeme.

Juktie vielie prosjekten jïh blilysten bïjre lohkedh, tsagkesh blilyst’en gåetiesæjroeh: blilyst.no